Futbol bo‘yicha Germaniya chempionatining 16-turidan o‘rin olgan bir qator o‘yinlar 16-yanvar, shanba kuni bo‘lib o‘tdi
Dortmundning “Borussiya”si o‘z uyida “Mayns”ni qabul qildi. Uchrashuvning 58-daqiqasida Levin O‘ztunali mehmonlarni oldinga olib chiqqan bo‘lsa, 73-daqiqada Toma Menye dortmundliklarning javob to‘pini kiritdi. Oradan uch daqiqa o‘tib maydon egalari ikkinchi golni ham urishi mumkin edi, biroq Marko Roys penaltidan unumli foydalana olmadi.
“Borussiya D” 29 ochko bilan 4-o‘rinni band etgan, “Mayns” esa ochkolarini 7 taga yetkazib olgan holda 17-pog‘onaga ko‘tarildi.
Yana bir o‘yin “Volfsburg” va “Leypsig” jamoalari o‘rtasida kechdi. Avvaliga 5-daqiqada Nordi Mukielening goli evaziga oldinga o‘tib olgan “buqalar” tanaffusga qadar o‘z darvozasidan ikkita to‘p olib chiqdi. Ikkinchi bo‘lim debyutida Villi Orban mehmonlarning ikkinchi golini urib, hisobni tenglashtirdi.
“Buqalar” 32 ochko to‘plagan holda ikkinchi o‘rinda bormoqda, “Volfsburg” (26) esa 6-pog‘onada.
Bundesliga
16-tur bahslari
16-yanvar. Shanba
“Borussiya D” — “Mayns” 1:1
Gollar: 0:1 – 57 O‘ztunali, 1:1 – 73 Menye.“Borussiya D”: Byurki, Hummels, Zagadu (Akanji, 45), Gerreyru, Jan, Brandt, Sancho, Bellinghem (Mukoko, 60), Menye, Roys, Holand.
“Mayns”: Sentner, Bell, Mvene, Hak, Niakate, Latsa (Shteger, 90), Boetiyus (Tauer, 79), O‘ztunali, Barreyro, Kvayson (Onisivo, 65), Burkardt (Salai, 79).
Ogohlantirishlar: Mvene (40), Hak (47), Jan (68).
“Volfsburg” — “Leypsig” 2:2
Gollar: 0:1 – 4 Mukiele, 1:1 – 22 Vegorst, 2:1 – 34 Shteffen, 2:2 – 54 Orban.“Verder” — “Augsburg” 2:0
Gollar: 1:0 – 84 Gebre Selassiye, 2:0 – 87 Agu.“Kyoln” — “Herta” 0:0
“Hoffenhaym” — “Arminiya” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)