Футбол бўйича Германия чемпионатининг 16-туридан ўрин олган бир қатор ўйинлар 16 январь, шанба куни бўлиб ўтди
Дортмунднинг «Боруссия»си ўз уйида «Майнц»ни қабул қилди. Учрашувнинг 58-дақиқасида Левин Ўзтунали меҳмонларни олдинга олиб чиққан бўлса, 73-дақиқада Тома Менье дортмундликларнинг жавоб тўпини киритди. Орадан уч дақиқа ўтиб майдон эгалари иккинчи голни ҳам уриши мумкин эди, бироқ Марко Ройс пенальтидан унумли фойдалана олмади.
«Боруссия Д» 29 очко билан 4-ўринни банд этган, «Майнц» эса очколарини 7 тага етказиб олган ҳолда 17-поғонага кўтарилди.
Яна бир ўйин «Вольфсбург» ва «Лейпциг» жамоалари ўртасида кечди. Аввалига 5-дақиқада Норди Мукиэленинг голи эвазига олдинга ўтиб олган «буқалар» танаффусга қадар ўз дарвозасидан иккита тўп олиб чиқди. Иккинчи бўлим дебютида Вилли Орбан меҳмонларнинг иккинчи голини уриб, ҳисобни тенглаштирди.
«Буқалар» 32 очко тўплаган ҳолда иккинчи ўринда бормоқда, «Вольфсбург» (26) эса 6-поғонада.
Бундеслига
16-тур баҳслари
16 январь. Шанба
«Боруссия Д» — «Майнц» 1:1
Голлар: 0:1 – 57 Ўзтунали, 1:1 – 73 Менье.«Боруссия Д»: Бюрки, Ҳуммелс, Загаду (Аканжи, 45), Геррейру, Жан, Брандт, Санчо, Беллингҳем (Мукоко, 60), Менье, Ройс, Ҳоланд.
«Майнц»: Центнер, Белл, Мвене, Ҳак, Ниакате, Лаца (Штегер, 90), Боэтиюс (Тауэр, 79), Ўзтунали, Баррейро, Квайсон (Онисиво, 65), Буркардт (Салаи, 79).
Огоҳлантиришлар: Мвене (40), Ҳак (47), Жан (68).
«Вольфсбург» — «Лейпциг» 2:2
Голлар: 0:1 – 4 Мукиэле, 1:1 – 22 Вегорст, 2:1 – 34 Штеффен, 2:2 – 54 Орбан.«Вердер» — «Аугсбург» 2:0
Голлар: 1:0 – 84 Гебре Селассие, 2:0 – 87 Агу.«Кёльн» — «Ҳерта» 0:0
«Ҳоффенҳайм» — «Арминия» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)