“Manchester Yunayted” va “Everton” klublari sobiq hujumchisi Ueyn Runi futbolchilik faoliyatini yakunlaganini ma’lum qildi. Endilikda Runi “Derbi Kaunti”ga bosh murabbiylik qiladi.
Transfermarkt portali angliyalik futbolchi bilan birgalikda o‘yinlarda eng ko‘p qatnashgan futbolchilardan iborat ramziy terma jamoani tuzdi.
Mazkur ramziy terma jamoaning barcha o‘yinchilari “Manchester Yunayted”ning sobiq vakillari hisoblanib, ulardan faqat ikki nafari (Krishtianu Ronaldu va Antonio Valensiya) hozirda futbolchilik faoliyatini davom ettirmoqda.
Runi bilan birgalikda eng ko‘p o‘yinda qatnashgan futbolchi Maykl Kerrik bo‘ldi. Hozirda “Manchester Yunayted”da bosh murabbiy Ole-Gunnar Sulsherga yordam berayotgan mutaxassis Runi bilan birgalikda jami 366 o‘yinda qatnashgan.
Ramziy terma jamoa bilan tanishing:
Darvozabon: Edvin van der Sar (220 o‘yin);
Himoyachilar: Nemanya Vidich (230), Rio Ferdinand (349), Patris Evra (301), Antonio Valensiya (214);
Yarim himoyachilar: Maykl Kerrik (366), Darren Fletcher (228), Pol Skoulz (242);
Hujumchilar: Rayan Giggz (278), Krishtianu Ronaldu (205), Ueyn Runi.
Ueyn Runining “Manchester Yunayted” safida Premyer Ligadagi top-10 goli (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)