Samarqand viloyatining Bulung‘ur tumanida IIB xodimiga 100 dollar pora bergan shaxs qo‘lga olindi. Bu haqda “Daryo”ga viloyat IIB axborot xizmati ma’lum qildi.
Aytilishicha, 2021-yilning 6-yanvar kuni Bulung‘ur tumani “Sohibkor” mahallasida yashovchi, muqaddam Jinoyat kodeksining 273-moddasi 5-qismi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek, ularni qonunga xilof ravishda o‘tkazish) bilan ayblanib, Toshkent shahar sudi appelyatsiya instansiyasining ajrimi bilan tayinlangan jazosi ozodlikni cheklashga almashtirilgan A.J.ning yashash xonadoni tekshirilganda u ma’muriy nazorat qoidalarini buzib, soat 21:00 dan so‘ng yashash uyida yo‘qligi va ko‘chada spirtli ichimliklar iste’mol qilib yurgani aniqlangan.
A.J. ushbu holatni rasmiylashtirmaslik va jazoni almashtirish uchun sudga hujjatlarini qaytarib yubormaslik evaziga probatsiya guruhi inspektoriga 100 dollar pulni pora tariqasida berayotgan vaqtida Ichki ishlar vazirligi O‘XB Samarqand viloyati bo‘limi hamda Departamentning Bulung‘ur tumani bo‘limi xodimlari tomonidan ashyoviy dalillar bilan qo‘lga olingan.
Holat yuzasidan Jinoyat kodeksining 211-moddasi 1-qismi (pora berish) bilan jinoyat ishi qo‘zg‘atilgan.
Mavzuga doir:
- Toshkentda 4 mlrd so‘m kredit ajratib berish evaziga 15 ming dollar talab qilgan xususiy banklardan birining raisi qo‘lga olindi
- “Xorazm hududiy elektr tarmoqlari korxonasi” rahbari pora bilan qo‘lga olindi
- Korrupsiyaga qarshi kurashishga munosib hissa qo‘shgan shaxslarni mukofotlash uchun har yili davlat budjetidan qo‘shimcha 500 million so‘mgacha mablag‘ ajratiladi
Izoh (0)