Самарқанд вилоятининг Булунғур туманида ИИБ ходимига 100 доллар пора берган шахс қўлга олинди. Бу ҳақда «Дарё»га вилоят ИИБ ахборот хизмати маълум қилди.
Айтилишича, 2021 йилнинг 6 январь куни Булунғур тумани «Соҳибкор» маҳалласида яшовчи, муқаддам Жиноят кодексининг 273-моддаси 5-қисми (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) билан айбланиб, Тошкент шаҳар суди аппеляция инстанциясининг ажрими билан тайинланган жазоси озодликни чеклашга алмаштирилган А.Ж.нинг яшаш хонадони текширилганда у маъмурий назорат қоидаларини бузиб, соат 21:00 дан сўнг яшаш уйида йўқлиги ва кўчада спиртли ичимликлар истеъмол қилиб юргани аниқланган.
А.Ж. ушбу ҳолатни расмийлаштирмаслик ва жазони алмаштириш учун судга ҳужжатларини қайтариб юбормаслик эвазига пробация гуруҳи инспекторига 100 доллар пулни пора тариқасида бераётган вақтида Ички ишлар вазирлиги ЎХБ Самарқанд вилояти бўлими ҳамда Департаментнинг Булунғур тумани бўлими ходимлари томонидан ашёвий далиллар билан қўлга олинган.
Ҳолат юзасидан Жиноят кодексининг 211-моддаси 1-қисми (пора бериш) билан жиноят иши қўзғатилган.
Мавзуга доир:
- Тошкентда 4 млрд сўм кредит ажратиб бериш эвазига 15 минг доллар талаб қилган хусусий банклардан бирининг раиси қўлга олинди
- «Хоразм ҳудудий электр тармоқлари корхонаси» раҳбари пора билан қўлга олинди
- Коррупцияга қарши курашишга муносиб ҳисса қўшган шахсларни мукофотлаш учун ҳар йили давлат бюджетидан қўшимча 500 миллион сўмгача маблағ ажратилади
Изоҳ (0)