“Real” bosh murabbiyi Zinedin Zidan La Liga 18-turi doirasida 9-yanvar kuni “Osasuna”ga qarshi kechgan bahsdan (0:0) keyin o‘z fikrlari bilan o‘rtoqlashdi.
“Birinchi bo‘limda o‘yinimiz o‘xshamadi. Bunday maydonda qo‘ldan kelgancha harakat qildik. Bu futbol emas. Madridga qachon qaytib keta olishimizni bilmayman.
O‘yinni bekor qilish kerak edi, biroq bu endi ortda qoldi. Bunday sharoitda o‘ynab bo‘lmaydi”, — deydi Zidan.
Uchrashuv davomida tinimsiz qor yog‘di. Ayni vaqtda Ispaniyaning turli joylarida kuchli qor bo‘ronlari kuzatilmoqda. Avvalroq Madridda trevoganing qizil darajasi e’lon qilingani xabar qilingandi.
Qayd etish joiz, “Real” La Ligada oktabr oyidan keyin ilk bor gol ura olmadi. So‘nggi bor madridliklar 17-oktabr kuni “Kadis” darvozasiga yo‘l topa olmagandi. Shuningdek, “Real” mavsumda ilk bor birinchi bo‘limda raqib darvozasi tomon aniq zarba yo‘llay olmadi.“Real” 37 ochko bilan musobaqa jadvalida 2-o‘rinda bormoqda va peshqadam “Atletiko”dan bir ochko ortda qolgan. Biroq “matraschilar”da uchta zaxira o‘yini mavjud.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)