“Barselona” hujumchisi Lionel Messi La Liga 18-tur doirasida 9-yanvar kuni “Granada”ga qarshi kechgan bahsda (4:0) dublga erishdi. Argentinalik futbolchi uchrashuvning 42-daqiqasida jarima zarbasidan aniq zarba yo‘llagan holda hisobni 3:0 ko‘rinishiga keltirdi.
Shu tariqa Messi “Barselona” safida (barcha musobaqalarda) jarima zarbalaridan urilgan gollari sonini 48 taga yetkazib oldi (ularning 37 tasi La Ligada). Buning evaziga Messi klubdagi professional faoliyati davomida jarimalardan 47 ta gol urgan Krishtianu Ronalduni quvib o‘tdi. Ronaldu “Real” safida La Liga 32 marta jarima zarbasidan unumli foydalangandi.
Qayd etish joiz, Messi so‘nggi 72 ta urinishda jarima zarbasidan ikkita gol urishga erishdi.
Messi joriy mavsum La Ligada 17 o‘yin o‘tkazib, 11 gol va ikkita golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)