Saudiya Arabistoni hukumati xalqaro transportlar qatnovini 31-martdan boshlab to‘liq qayta yo‘lga qo‘yish niyatida. Bu haqda mamlakat Ichki ishlar vazirligiga tayanib, “Korrespondent.net” xabar berdi.
“Podshohlik fuqarolariga xorijga chiqish va qaytishga ruxsat beriladi. Xalqaro parvozlarga o‘rnatilgan taqiq to‘liq yechiladi”, — deyiladi xabarda.
Avvalroq Saudiya Arabistoni podshohi Salmon ibn Abdulaziz as-Saud koronavirusga qarshi vaksinaning birinchi dozasi bilan emlangan edi.
Mamlakatda koronavirusga qarshi vaksinatsiya 17-dekabr kuni boshlangan. Emlash markazlari mamlakatning barcha viloyatlarida ochilgan. Saudiyaning merosxo‘r shahzodasi, bosh vazir o‘rinbosari va mudofaa vaziri Muhammad ibn Salmon al-Saud 25-dekabr kuni emlangan.
Eslatib o‘tamiz, Buyuk Britaniyada koronavirusning yangi turi aniqlangani, shu tufayli mamlakatning ayrim hududlarida kasallik tarqalish sur’ati tezlashgani haqida 14-dekabr kuni mahalliy Sog‘liqni saqlash vazirligi rahbari Mett Xenkok ma’lum qilgandi. Shu sababli Saudiya Arabistoni 21-dekabrdan xalqaro parvozlarni to‘xtatib, quruqlik va dengiz chegaralarini vaqtinchalik yopgandi.
Izoh (0)