Indoneziyaning Sriwijaya Air aviakompaniyasining Boeing 737-500 samolyoti Jakartadan jo‘nab ketganidan keyin radarlardan g‘oyib bo‘ldi va katta ehtimol bilan dengizga qulab tushdi, deb xabar berdi TASS.
Aviakompaniya Jakartadan Pontianakka mahalliy SJ182 reysini amalga oshirgan. Bloomberg ma’lumotlariga ko‘ra, samolyot bortida 62 kishi bo‘lgan.
CNN xabariga ko‘ra, layner Ming orollar arxipelagi hududiga qulagan. Halokat sodir bo‘lgan taxminiy joyga uchta qidiruv-qutqaruv kemasi yuborilgan. Ma’lumotlarga ko‘ra, suvdan alyuminiy bo‘laklari topilgan, ammo bu 182-reysning qoldiqlari ekani aniq emas.
https://twitter.com/CNNIndonesia/status/1347881748755976194
Flightradar24 xabariga ko‘ra, Jakartadan jo‘nab ketganidan to‘rt daqiqa o‘tgach, layner bir daqiqadan kamroq vaqt ichida uch kilometr balandlikdan qulagan.
Izoh (0)