“Real” hujumchisi Eden Azar faoliyatini yana qancha vaqt davom ettirishi borasidagi savolga javob berdi.
“Ko‘ramiz, tanam meni o‘z holimga qo‘yarmikan. Agar jarohatlar davom etadigan bo‘lsa, men 35 yoshgacha o‘ynamayman.
Zavq olish kerak. Yoshing o‘tgan sari yanada ko‘proq zavqlanish kerak, to‘g‘rimi? Bu aynan menga kerakli jihat. Men har doim futbolda bo‘laman, biroq balki, bu professional darajada bo‘lmas”, — deydi Azar.
Azar 2019-yilning yozida “Chelsi”dan “Real” safiga o‘tgandi. Madridliklar bilan amaldagi shartnomasi tugagan vaqtda Eden 33 yoshdan oshgan bo‘ladi.
Belgiyalik futbolchi joriy mavsum La Ligada 5 ta o‘yin o‘tkazib, bitta golga muallif bo‘ldi. 2019/20-yilgi mavsumda u Primerada 16 uchrashuvda maydonga tushib, bitta gol va 6 ta samarali uzatma amalga oshirgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)