Oliy Majlis Senati va Korrupsiyaga qarshi kurashish agentligi o‘rtasida hamkorlik kuzatilmadi. Bu haqda Oliy Majlis Senatining o‘n birinchi yalpi majlisida senat raisi Tanzila Norboyeva aytib o‘tdi.
Majlisda Tanzila Norboyevaning ta’kidlab o‘tishicha, Korrupsiyaga qarshi kurashish agentligi bilan Oliy Majlis Senati o‘zaro hamkorlikni kuchaytirishi lozim.
Davlat rahbari tomonidan agentlikka keng vakolatlar berildi, korrupsiyaga qarshi kurashishda u asosiy vakolatli organga aylantirildi. Ammo parlament, shu jumladan, Senatning sud-huquq va korrupsiyaga qarshi kurashish qo‘mitasi bilan agentlikning deyarli hamkorligi kuzatilmadi, desak bo‘laveradi. Bu yo‘nalishda qo‘mita tomonidan ham, Senat tomonidan ham tashabbuskorlik sezilmadi. Shundan kelib chiqib, tegishli qo‘mitalar agentlik bilan o‘zaro hamkorlikni kuchaytirishi, murojaatnomada keltirilgan o‘ta dolzarb masalalar bo‘yicha agentlik hisobotini doimiy tarzda eshitib borishi tizimini yo‘lga qo‘yish samara beradi, — dedi senat raisi.Videokonferensaloqa shaklida bo‘lib o‘tadigan yalpi majlisda bir qator masalalar ko‘rib chiqilishi rejalashtirilgan. O‘zbekiston Prezidenti Shavkat Mirziyoyevning Oliy Majlisga yo‘llagan Murojaatnomasida belgilangan vazifalar shular jumlasidandir.
Bundan tashqari, “O‘zbekiston Respublikasining Konstitutsiyasiga o‘zgartirishlar kiritish to‘g‘risida”gi, “O‘zbekiston Respublikasining Shaharsozlik kodeksini tasdiqlash haqida”gi, “Madaniy faoliyat va madaniyat tashkilotlari to‘g‘risida”gi O‘zbekiston Respublikasi qonunlari muhokama qilinishi nazarda tutilgan.
Izoh (0)