6-yanvar kuni soat 08:10 larda Qashqadaryo viloyati Qarshi shahri “Otchopar” MFYda joylashgan uylarning birida gaz-havo aralashmasining chaqnashi yuzaga kelgan. Oqibatda binoning devorlari qulab tushgan, deb xabar beradi FVV matbuot xizmati.Ma’lumot uchun, O‘zbekistonda is gazi chaqnashi, is gazidan zaharlanish, havo-gaz aralashmasi chaqnashi bilan bog‘liq holatlar 2020-yilda 2019-yilga nisbatan 22 foizga ko‘paygan.
Ma’lum qilinishicha, voqea joyiga viloyat Favqulodda vaziyatlar boshqarmasining yong‘in-qutqaruv guruhi zudlik bilan yetib borib, qidiruv-qutqaruv ishlarini olib borgan. Shuningdek, hodisa joyiga FVB, IIB, SSB va Prokuratura xodimlari yetib borgan. Hodisa oqibatida ikki nafar fuqaroning jasadi vayron bo‘lgan uy ichidan olib chiqilgan.
Mazkur holat yuzasidan dastlabki tergovoldi surishtiruv ishlari olib borilmoqda.
Avvalroq Yangiyo‘ldagi xonadonda gaz portlashi oqibatida ikki kishi halok bo‘lgan, uyning bir qismi esa qulab tushgan edi.
Mavzuga doir:
Izoh (0)