Oliy Majlis Senatining o‘n birinchi yalpi majlisida mahalliy davlat boshqaruv organlarining mahalliy kengashlarda hisobot berishi tanqidiy ko‘rib chiqildi.
Senat raisi Tanzila Norboyevaning ta’kidlashicha, mahalliy davlat boshqaruv organlarining mahalliy kengashlarda hisobot berishi kengashning ish rejasida aks etishi lozim.
Bugungi kungacha mahalliy davlat boshqaruv organlarining 25 dan ortiq masalalarda mahalliy kengashlarda hisobot berishi belgilab qo‘yilgan, buni hamma mahalliy kengashlar yaxshi biladi. Shunday ekan, bu masala mahalliy kengashning ish rejasida to‘liq aks ettirilishi maqsadga muvofiqdir. Bunda ish rejalari hududlarning xususiyatidan kelib chiqib belgilanadi, — dedi Senat raisi.Norboyeva xonimning qo‘shimcha qilishicha, mahalliy kengash budjetni tasdiqlab beruvchi emas, balki budjetni ijroga yo‘naltiruvchi organga aylanishi kerak.
Avvalroq Senat raisi hokimlarning sarflab bo‘lingan budjet hisobotini tasdiqqa olib kirishi noto‘g‘riligi va bunga mahalliy kengashlar yo‘l qo‘ymasligi kerakligini ta’kidlab o‘tgan edi.
Izoh (0)