Олий Мажлис Сенатининг ўн биринчи ялпи мажлисида маҳаллий давлат бошқарув органларининг маҳаллий кенгашларда ҳисобот бериши танқидий кўриб чиқилди.
Сенат раиси Танзила Норбоеванинг таъкидлашича, маҳаллий давлат бошқарув органларининг маҳаллий кенгашларда ҳисобот бериши кенгашнинг иш режасида акс этиши лозим.
Бугунги кунгача маҳаллий давлат бошқарув органларининг 25 дан ортиқ масалаларда маҳаллий кенгашларда ҳисобот бериши белгилаб қўйилган, буни ҳамма маҳаллий кенгашлар яхши билади. Шундай экан, бу масала маҳаллий кенгашнинг иш режасида тўлиқ акс эттирилиши мақсадга мувофиқдир. Бунда иш режалари ҳудудларнинг хусусиятидан келиб чиқиб белгиланади, — деди Сенат раиси.Норбоева хонимнинг қўшимча қилишича, маҳаллий кенгаш бюджетни тасдиқлаб берувчи эмас, балки бюджетни ижрога йўналтирувчи органга айланиши керак.
Аввалроқ Сенат раиси ҳокимларнинг сарфлаб бўлинган бюджет ҳисоботини тасдиққа олиб кириши нотўғрилиги ва бунга маҳаллий кенгашлар йўл қўймаслиги кераклигини таъкидлаб ўтган эди.
Изоҳ (0)