AQShning amaldagi prezidenti Donald Trampga tegishli bo‘lgan Ferrari F430 auksionga qo‘yildi. Sotuvga qo‘yilgan lyuks avtomobilning boshlang‘ich narxi 400-500 ming dollarni tashkil etmoqda, deb xabar beradi Mecum Auctions.
Portal ma’lumotlariga ko‘ra, 2007-yilda ishlab chiqarilgan mashinaning yangi egasiga unga birinchi bo‘lib Donald Tramp egalik qilganini tasdiqlovchi hujjatlar nusxasi taqdim etiladi. Mashina hozirga qadar 11 ming kilometrdan ortiqroq yo‘l bosgan, xolos. Ferrari F430 sarg‘ish charm salon, markaning original ramzlariga ega.
Ta’kidlanishicha, savdolar 7-yanvardan 16-yanvarga qadar davom etadi. Oradan bir necha kun o‘tgach — 20-yanvar kuni AQShning yangi prezidenti Jo Baydenning inauguratsiyasi bo‘lib o‘tadi. U so‘nggi prezidentlik saylovlarida Trampni ortda qoldirgan edi.
Avvalroq Atlantik-Sitida Trampga tegishli bo‘lgan mehmonxonani portlatish huquqi auksion orqali sotilayotgani to‘g‘risida xabar berilgandi.
Izoh (0)