4-yanvar kuni ijtimoiy tarmoqda “Qashqadaryo shopirlariga qoyil qolmay iloj yo‘q” sarlavhasi ostida video tarqaldi. Unda Ford avtomobili haydovchisi yukni belgilangan qoidalarga zid ravishda tashiyotgani aks etgan.
YHXBB matbuot xizmatining ma’lum qilishicha, videolavha o‘rganilgach belgilangan qoidalarni chetlab o‘tib, o‘zi hamda atrofdagi boshqa harakat qatnashchilarining hayotini xavf ostiga qo‘yib harakatlangan ushbu mashina haydovchisi 1996-yilda tug‘ilgan N.D. ekanligi aniqlangan.
Unga nisbatan Ma’muriy javobgarlik to‘g‘risidagi kodeksining 125-1-moddasi (yuk tashish qoidalarini, shatakka olish qoidalarini buzish) tartibida bayonnoma tuzilib, 1 million 115 ming so‘m miqdorida jarima tayinlangan.
Avvalroq Qashqadaryoda mashina davlat raqami belgisi o‘rniga “Yusuf” deya ismini yozib olgan haydovchi jarimaga tortilgani haqida xabar berilgandi.
Izoh (0)