АҚШнинг амалдаги президенти Дональд Трампга тегишли бўлган Ferrari F430 аукционга қўйилди. Сотувга қўйилган люкс автомобилнинг бошланғич нархи 400-500 минг долларни ташкил этмоқда, деб хабар беради Mecum Auctions.
Портал маълумотларига кўра, 2007 йилда ишлаб чиқарилган машинанинг янги эгасига унга биринчи бўлиб Дональд Трамп эгалик қилганини тасдиқловчи ҳужжатлар нусхаси тақдим этилади. Машина ҳозирга қадар 11 минг километрдан ортиқроқ йўл босган, холос. Ferrari F430 сарғиш чарм салон, марканинг оригинал рамзларига эга.
Таъкидланишича, савдолар 7 январдан 16 январга қадар давом этади. Орадан бир неча кун ўтгач — 20 январь куни АҚШнинг янги президенти Жо Байденнинг инаугурацияси бўлиб ўтади. У сўнгги президентлик сайловларида Трампни ортда қолдирган эди.
Аввалроқ Атлантик-Ситида Трампга тегишли бўлган меҳмонхонани портлатиш ҳуқуқи аукцион орқали сотилаётгани тўғрисида хабар берилганди.
Изоҳ (0)