Energetika va mexanika sohasidagi olim, O‘zbekiston Fanlar akademiyasi akademigi, texnika fanlari doktori, professor To‘lqin Bekmurodov olamdan o‘tdi. Bu haqda Innovatsion rivojlanish vazirligi matbuot xizmati xabar berdi.
To‘lqin Bekmurodov 1935-yilda tug‘ilgan. Moskva energetika institutini tugatgan. Kasbiy faoliyatini O‘zbekiston FA “Kibernetika” ilmiy ishlab chiqarish birlashmasi bosh direktori o‘rinbosari sifatida boshlagan. 1997-yildan shu birlashmaning tizimli tadqiqotlar instituti laboratoriya mudiri, 1992—1997-yillarda Qarshi davlat universiteti rektori sifatida faoliyat yuritgan.
Avvalroq O‘zbekiston Fanlar akademiyasi akademigi Mirhoji Asqarov 89 yoshida, akademik Ra’no Ubaydullayeva 84 yoshida, akademik Shavkat Akmalxonov 87 yoshida vafot etgani to‘g‘risida xabar berilgandi. Shuningdek, O‘zbekiston Respublikasi Fanlar akademiyasi akademigi, adabiyotshunos olim To‘ra Mirzayev 2020-yil 29-sentabr kuni 84 yoshida, O‘zbekistonda xizmat ko‘rsatgan fan arbobi, O‘zbekiston Respublikasi Fanlar akademiyasi akademigi Tursunboy Rashidov 7-oktabr kuni 86 yoshida vafot etgandi.
Izoh (0)