Bugun,

  • USD 11014.01
  • RUB 191.8
  • EUR 10674.78

O‘zbekiston Fanlar akademiyasi akademigi Mirhoji Asqarov 19-dekabr kuni 89 yoshida hayotdan ko‘z yumdi, deya xabar bermoqda O‘zA.

Foto: O‘zA

Foto: O‘zA

Mirhoji Asqarov 1931-yil 30-aprel kuni Toshkentda dunyoga keldi. 1953-yili Moskva kimyo-texnologiya institutini tamomlagach, o‘sha institutning aspiranturasida tahsil oldi.

Mehnat faoliyati davomida ilmiy izlanishlarni davom ettirib, 1957-yilda nomzodlik, 1967-yilda doktorlik dissertatsiyasini himoya qildi. 2000-yilda O‘zbekiston Fanlar akademiyasining haqiqiy a’zosi etib saylandi.

Olim qariyb 65 yillik ilmiy-pedagogik faoliyati davomida Toshkent politexnika instituti (hozirgi Toshkent davlat texnika universiteti) katta o‘qituvchisi, Fanlar akademiyasining Polimerlar kimyosi instituti laboratoriya mudiri, direktori, Kimyo instituti direktori, Toshkent to‘qimachilik va yengil sanoat instituti kafedra mudiri, professori kabi lavozimlarda mehnat qildi.

Akademikning ko‘plab ilmiy ishlanma va tadqiqotlari bugungi kunda ham mamlakat kimyo sanoati sohasida keng qo‘llanib, mamlakat iqtisodiyoti tarmoqlari rivojida muhim ahamiyat kasb etmoqda. Yuqori molekulyar birikmalar kimyosi sohasining nazariy va amaliy masalalariga bag‘ishlangan 600 dan ziyod ilmiy maqolalari, kitob va monografiyalari mamlakatda va xorijiy davlatlarda keng e’tirof etilgan.

Izoh
Asosiy yangiliklar
Dunyo
Kreml Putin tug‘ilgan kunini qanday nishonlamoqchiligini ma’lum qildi
Mahalliy
Farg‘onada 64 yoshli qaynota kelinini o‘ldirib, marhumanining boshini uzib oldi
Mahalliy
O‘zbekistonda 6-oktabr kuni qanday ob-havo bo‘lishi ma’lum qilindi