Энергетика ва механика соҳасидаги олим, Ўзбекистон Фанлар академияси академиги, техника фанлари доктори, профессор Тўлқин Бекмуродов оламдан ўтди. Бу ҳақда Инновацион ривожланиш вазирлиги матбуот хизмати хабар берди.
Тўлқин Бекмуродов 1935 йилда туғилган. Москва энергетика институтини тугатган. Касбий фаолиятини Ўзбекистон ФА «Кибернетика» илмий ишлаб чиқариш бирлашмаси бош директори ўринбосари сифатида бошлаган. 1997 йилдан шу бирлашманинг тизимли тадқиқотлар институти лаборатория мудири, 1992—1997 йилларда Қарши давлат университети ректори сифатида фаолият юритган.
Аввалроқ Ўзбекистон Фанлар академияси академиги Мирҳожи Асқаров 89 ёшида, академик Раъно Убайдуллаева 84 ёшида, академик Шавкат Акмалхонов 87 ёшида вафот этгани тўғрисида хабар берилганди. Шунингдек, Ўзбекистон Республикаси Фанлар академияси академиги, адабиётшунос олим Тўра Мирзаев 2020 йил 29 сентябрь куни 84 ёшида, Ўзбекистонда хизмат кўрсатган фан арбоби, Ўзбекистон Республикаси Фанлар академияси академиги Турсунбой Рашидов 7 октябрь куни 86 ёшида вафот этганди.
Изоҳ (0)