O‘zbekistonda 2021-yilda “Obod qishloq” va “Obod mahalla” dasturlari qayta ishga tushadi. Bu haqda Prezident Shavkat Mirziyoyev 29-dekabr kuni Oliy Majlisga yo‘llagan Murojaatnomasida ma’lum qildi.
2018-yilda boshlangan “Obod qishloq” va “Obod mahalla” dasturlari doirasida 5 millionga yaqin aholi yashaydigan 1 ming 200 ta mahalla va qishloqlar qiyofasi tubdan o‘zgargan edi.
“Lekin, pandemiya tufayli ushbu yo‘nalishdagi ishlarimizni vaqtincha to‘xtatishga majbur bo‘lgan edik”, — dedi davlat rahbari.
Murojaatnoma davomida Shavkat Mirziyoyev hukumatga bir oy muddatda 2021-yil uchun “Obod qishloq” va “Obod mahalla” dasturlarini loyihalar respublika va mahalliy byudjetlar tomonidan teng ulushlarda moliyalashtirishni nazarda tutgan holda ishlab chiqib, tasdiqlash haqida topshiriq berdi.
“Xalqaro moliya institutlari ham mazkur dasturda ishtirok etish uchun 270 million dollar yo‘naltirish istagini bildirdi”, — deya qo‘shimcha qildi Prezident Mirziyoyev.
Mavzuga doir:
- “Qiyin bo‘lyapti, lekin o‘rganyapmiz”. Shavkat Mirziyoyev so‘z erkinligi sohasida amalga oshirilayotgan ishlar haqida
- Shavkat Mirziyoyev: Prezident saylovlari xalqaro tamoyillar asosida o‘tkazilishi kerak
- “Korrupsiyaga toqatsizlik hayotimiz bir qismiga aylanishi kerak” — Shavkat Mirziyoyev
- Andijonda 2021-yil nomi yozilgan banner Prezident murojaatnomasi tugamay o‘rnatildi
Izoh (0)