Ўзбекистонда 2021 йилда «Обод қишлоқ» ва «Обод маҳалла» дастурлари қайта ишга тушади. Бу ҳақда Президент Шавкат Мирзиёев 29 декабрь куни Олий Мажлисга йўллаган Мурожаатномасида маълум қилди.
2018 йилда бошланган «Обод қишлоқ» ва «Обод маҳалла» дастурлари доирасида 5 миллионга яқин аҳоли яшайдиган 1 минг 200 та маҳалла ва қишлоқлар қиёфаси тубдан ўзгарган эди.
«Лекин, пандемия туфайли ушбу йўналишдаги ишларимизни вақтинча тўхтатишга мажбур бўлган эдик», — деди давлат раҳбари.
Мурожаатнома давомида Шавкат Мирзиёев ҳукуматга бир ой муддатда 2021 йил учун «Обод қишлоқ» ва «Обод маҳалла» дастурларини лойиҳалар республика ва маҳаллий бюджетлар томонидан тенг улушларда молиялаштиришни назарда тутган ҳолда ишлаб чиқиб, тасдиқлаш ҳақида топшириқ берди.
«Халқаро молия институтлари ҳам мазкур дастурда иштирок этиш учун 270 миллион доллар йўналтириш истагини билдирди», — дея қўшимча қилди Президент Мирзиёев.
Мавзуга доир:
- «Қийин бўляпти, лекин ўрганяпмиз». Шавкат Мирзиёев сўз эркинлиги соҳасида амалга оширилаётган ишлар ҳақида
- Шавкат Мирзиёев: Президент сайловлари халқаро тамойиллар асосида ўтказилиши керак
- «Коррупцияга тоқатсизлик ҳаётимиз бир қисмига айланиши керак» — Шавкат Мирзиёев
- Андижонда 2021 йил номи ёзилган баннер Президент мурожаатномаси тугамай ўрнатилди
Изоҳ (0)