Prezident Shavkat Mirziyoyev Oliy Majlisga Murojaatnomasi davomida tadbirkorlarni tekshirishga qarshi 2017-yilda e’lon qilingan moratoriyning amal qilishini 2021-yilga ham uzaytirishni taklif qildi.
“Bundan to‘rt yil oldin tadbirkorlik subyektlarida tekshirishlar o‘tkazishga moratoriy e’lon qilgan edik. Buning natijasida o‘tgan davrda tadbirkorlar soni 2 barobar ko‘payib, 400 mingtaga yetdi. Shuning uchun moratoriy muddatini yana bir yilga uzaytirishni taklif etaman”, — dedi davlat rahbari.
“Shu bilan birga, Hukumat tomonidan bozorda teng raqobat muhitini yaratish va halol-pok tadbirkorlarni — takror aytaman — zamonaviy texnologiyalar asosida ishlayotgan vijdonli tadbirkorlarni har tomonlama qo‘llab-quvvatlash maqsadida ‘yashirin iqtisodiyot’ni qisqartirishga qaratilgan mexanizmlar joriy etiladi”, — deya qo‘shimcha qildi Prezident.
Avvalroq O‘zbekistonda Tadbirkorlik kodeksi ishlab chiqilishi haqida xabar berilgan edi.
Mavzuga doir:
- “Qiyin bo‘lyapti, lekin o‘rganyapmiz”. Shavkat Mirziyoyev so‘z erkinligi sohasida amalga oshirilayotgan ishlar haqida
- Shavkat Mirziyoyev: Prezident saylovlari xalqaro tamoyillar asosida o‘tkazilishi kerak
- “Korrupsiyaga toqatsizlik hayotimiz bir qismiga aylanishi kerak” — Shavkat Mirziyoyev
- Andijonda 2021-yil nomi yozilgan banner Prezident murojaatnomasi tugamay o‘rnatildi
Izoh (0)