Koronavirusga chalingan kishilarda ishtaha yo‘qolishi va ko‘ngil aynishi respirator simptomlardan ham avvalroq paydo bo‘lishi mumkin. Bu haqda AQShdagi Mayo klinikasi saytidagi ma’lumotga tayanib, “RBK” xabar bermoqda.
“COVID-19 oshqozon-ichak trakti simptomlarini, shu jumladan, ishtaha yo‘qolishi, ko‘ngil aynishi, qusish va diareya keltirib chiqarishi mumkin. Ushbu alomatlar atigi bir kun davom etishi mumkin”, — degan olimlar.
Ularning aytishicha, koronavirusga chalingan ayrim bemorlarda diareya va ko‘ngil aynishi isitma va respirator simptomlardan oldinroq paydo bo‘ladi.
Avvalroq britaniyalik olimlar yana bir nechta alomatlar koronavirusga chalinganlikni ko‘rsatishi mumkinligi haqida xabar bergandi. Ular ushbu belgilar qatorida mushaklardagi og‘riq, charchoq va oyoqlarda qavariqlar paydo bo‘lishini keltirib o‘tgan.
Noyabr oyi boshida virusolog Anatoliy Altshteyn COVID-19 turlicha namoyon bo‘lishi, ammo uning asosiy belgilari isitma, yo‘tal, tomoq og‘rig‘i, hid va ta’m bilishni yo‘qotish ekanligini ma’lum qilgan. Agar ushbu belgilar kuzatilmasa, “oyoq barmoqlari rangining o‘zgarishiga e’tibor bermasa ham bo‘ladi”, deb aytgandi.
Keyinchalik “Rospotrebnadzor” markaziy epidemiologiya ilmiy-tadqiqot institutida quloq bitishi COVID-19 belgilaridan biri bo‘lishi mumkinligi bildirilgan. Biroq bunday alomat O‘RVIda ham uchrashi ta’kidlangan.
Britaniya va amerikalik shifokorlar esa COVID-19’ning dastlabki to‘rtta alomatini ma’lum qilgandi.
“Rospotrebnadzor” markaziy epidemiologiya ilmiy-tadqiqot instituti klinik va tahliliy ishlar bo‘yicha direktor o‘rinbosari Natalya Pshenichnaya nafas qisishini koronavirusning eng vahimali alomati deb aytgandi.
Izoh (0)