Коронавирусга чалинган кишиларда иштаҳа йўқолиши ва кўнгил айниши респиратор симптомлардан ҳам аввалроқ пайдо бўлиши мумкин. Бу ҳақда АҚШдаги Майо клиникаси сайтидаги маълумотга таяниб, «РБК» хабар бермоқда.
«COVID-19 ошқозон-ичак тракти симптомларини, шу жумладан, иштаҳа йўқолиши, кўнгил айниши, қусиш ва диарея келтириб чиқариши мумкин. Ушбу аломатлар атиги бир кун давом этиши мумкин», — деган олимлар.
Уларнинг айтишича, коронавирусга чалинган айрим беморларда диарея ва кўнгил айниши иситма ва респиратор симптомлардан олдинроқ пайдо бўлади.
Аввалроқ британиялик олимлар яна бир нечта аломатлар коронавирусга чалинганликни кўрсатиши мумкинлиги ҳақида хабар берганди. Улар ушбу белгилар қаторида мушаклардаги оғриқ, чарчоқ ва оёқларда қавариқлар пайдо бўлишини келтириб ўтган.
Ноябрь ойи бошида вирусолог Анатолий Алцҳтейн COVID-19 турлича намоён бўлиши, аммо унинг асосий белгилари иситма, йўтал, томоқ оғриғи, ҳид ва таъм билишни йўқотиш эканлигини маълум қилган. Агар ушбу белгилар кузатилмаса, «оёқ бармоқлари рангининг ўзгаришига эътибор бермаса ҳам бўлади», деб айтганди.
Кейинчалик «Роспотребнадзор» марказий эпидемиология илмий-тадқиқот институтида қулоқ битиши COVID-19 белгиларидан бири бўлиши мумкинлиги билдирилган. Бироқ бундай аломат ЎРВИда ҳам учраши таъкидланган.
Британия ва америкалик шифокорлар эса COVID-19’нинг дастлабки тўртта аломатини маълум қилганди.
«Роспотребнадзор» марказий эпидемиология илмий-тадқиқот институти клиник ва таҳлилий ишлар бўйича директор ўринбосари Наталя Пшеничная нафас қисишини коронавируснинг энг ваҳимали аломати деб айтганди.
Изоҳ (0)