Germaniya shimolidagi qariyalar uyining sakkiz xodimi xatolik tufayli koronavirusga qarshi Pfizer / BioNTech vaksinasining besh marta ko‘proq dozasi bilan emlandi, deb yozadi Meduza.
Hodisa Meklenburg — Old Pomeraniya o‘lkasidagi Shtralzund shahrida yuz berdi. Besh marta ko‘p doza bilan emlangan xodimlar 1966—1982-yillarda tug‘ilgan. Ularning to‘rt nafarida gripp belgilari aniqlangan va ular ehtiyot yuzasidan kasalxonaga yotqizilgan.
Vaksinani sinovdan o‘tkazish chog‘ida ko‘ngillilarga uch marta ko‘p dozada yuborilgan. Ammo bu hech qanday jiddiy ikkilamchi ta’sirlarni keltirib chiqarmagan.
27-dekabrdan Yevropa mamlakatlari o‘z aholisini koronavirus infeksiyasiga qarshi emlashga kirishdi. Yevroittifoq hozircha faqat bitta dorini — Amerikaning Pfizer va Germaniyaning BioNTech kompaniyalari tomonidan ishlab chiqilgan vaksinani qo‘llashga ruxsat bergan. Xususan, Germaniya, Fransiya, Ispaniya, Avstriya, Bolgariya, Chexiya va Italiya aholisi vaksina olishni boshladi.
Avvalroq Germaniyada aholini koronavirusga qarshi emlash boshlangani, birinchi bo‘lib Saksoniya-Angalt o‘lkasidagi Xalbershtadtda joylashgan qariyalar uyida yashovchi 101 yoshli ayol vaksina olgani xabar berilgan edi.
Mavzuga doir:
- Germaniyada birinchi bo‘lib 101 yoshli ayol koronavirusga qarshi emlandi
- Qozog‘iston Amerikaning Pfizer kompaniyasi bilan bitim imzoladi
- So‘rov: Rossiyaliklarning yarmidan ko‘pi koronavirusga qarshi “Sputnik V” vaksinasi bilan emlanishni xohlamaydi
- Slovakiya va Gretsiya prezidentlari COVID-19’ga qarshi emlandi
Izoh (0)