BAAning Dubay shahrida 27-dekabr, yakshanba kuni Globe Soccer Awards—2020 marosimi bo‘lib o‘tdi. Unda 2020-yilning va XXI asrning eng yaxshilari aniqlandi.
2020-yilning eng yaxshi klublari sifatida “Bavariya” e’tirof etildi. Myunxeniklar o‘tgan yil davomida Germaniya chempionati, mamlakat Kubogi va Superkubogini qo‘lga kiritdi, shuningdek, Chempionlar Ligasi va UEFA Superkubogida zafar quchdi.
Madridning “Real” klubi XXI asrning eng yaxshi jamoasi deb topildi. Ortda qolgan 20 yil davomida “Qirollik klubi” yetti bor Ispaniya chempionligini qo‘lga kiritdi va besh marta Chempionlar Ligasida zafar quchdi.
Madrid klubi so‘rovnomada “Barselona”, “Bavariya” va “Al-Ahli” (Misr) kabi klublarni ortda qoldirdi.
Mavzuga doir:
Shuningdek, marosimda XXI asrning eng yaxshi futbol agenti aniqlandi. Unga ko‘ra Jorje Mendesh so‘nggi yigirma yillikning eng yaxshi agenti deb topildi. Portugaliyalik bu borada Mino Rayolani ortda qoldirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)