Amerikalik bokschi Teofimo Lopesning (16-0, 12 KO) ukrainalik Vasiliy Lomachenkoga (14-2, 10 KO) qarshi jangdagi g‘alabasi The Ring talqiniga ko‘ra “yil apseti” (kutilmagan natija) deb tan olindi.
“Atigi 23 yoshda bo‘lgan Lopes Lomachenkoning tajribasiga yaqin ham kela olmasdi. U g‘alaba qozonishi kerak emas edi, biroq g‘alaba qayd etdi. Lopesning mashhur Lomachenkoga qarshi jangi yilning eng zo‘r voqeasi deb topildi.
2020-yildagi hech bir natija bu buyuk jangga yaqin kela olmadi”, — deyiladi The Ring sharhida.
Eslatib o‘tamiz, Lomachenko oktabr oyida bo‘lib o‘tgan jangda hakamlar qaroriga ko‘ra Lopesga yutqazib qo‘yib, WBA, WBO, IBF va WBC Franchise kamarlarini boy bergandi.
Mavzuga doir:
- Vasiliy Lomachenko: “Hakamlar qaroriga qo‘shilmayman”
- Vasiliy Lomachenkoni mag‘lub etgan Teofimo Lopes boks tarixiga kirdi
- Teofimo Lopes: “Lomachenkodan uzr so‘radim”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)