BAAning Dubay shahrida 27-dekabr, yakshanba kuni Globe Soccer Awards—2020 marosimi bo‘lib o‘tdi. Unda 2020-yilning va XXI asrning eng yaxshi murabbiylari aniqlandi.
2020-yilning eng yaxshi murabbiyi sifatida “Bavariya” ustozi Hans-Diter Flik e’tirof etildi. Germaniyalik mutaxassis bu borada Yurgen Klopp (“Liverpul”) va Jan Pyero Gasperinini (“Atalanta”) ortda qoldirdi.
“Asrning eng yaxshi murabbiyi” nominatsiyasida “Manchester Siti” ustozi Xosep Gvardiola g‘olib topildi. Kataloniyalik mutaxassis faoliyati davomida “Barselona” va “Bavariya” klublarini ham boshqargan.
Gvardiolaga bu borada Zinedin Zidan (“Real”), Joze Mourinyo (“Tottenhem”) va Aleks Fergyuson (“Manchester Yunayted” sobiq murabbiyi) kabi mutaxassislar raqobatchi bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)