Futbol bo‘yicha Ispaniya Li Ligasining 15-turida “Real” 23-dekabr, chorshanba kuni “Granada”ni qabul qildi.
Uchrashuv har ikki tomonning faol hujumlari bilan boshlandi. Dastlabki daqiqalarda mehmonlarda hisobni ochish uchun juda qulay imkoniyatlar bo‘ldi. Birinchi bo‘limning ikkinchi yarmida madridliklar tashabbusni o‘z tomoniga og‘dirdi, biroq tanaffusga qadar hisob ochilmadi.
Ikkinchi bo‘limni faol boshlagan maydon egalari 57-daqiqaga kelib hisobni ochdi: Marko Asensioning qanotdan uzatib bergan to‘pini Kazemiro boshi bilan darvozaga joylab qo‘ydi. Hakam tomonidan qo‘shib berilgan vaqtda Karim Benzema jamoasining ikkinchi golini urib, o‘yinga mantiqiy nuqtani qo‘ydi.
Zinedin Zidan shogirdlari ushbu g‘alabadan keyin ochkolarini 32 taga yetkazib olgan holda peshqadam “Atletiko”ga yetib oldi. “Granada” (21) esa 7-pog‘onada qoldi.
15-turdan keyin musobaqa jadvali quyidagi ko‘rinishni oldi:
La Liga
15-tur bahslari
23-dekabr, chorshanba
“Real Madrid” — “Granada” 2:0
Gollar: 1:0 – 57 Kazemiro, 2:0 – 90+3 Benzema.“Real Madrid”: Kurtua, Ramos, Mendi, Karvaxal, Varan, Valverde (Isko, 78), Kroos, Vaskes (Vinisius Junior, 78), Kazemiro, Rodrigo (Asensio, 38), Benzema.
“Granada”: Ruy Silva, Valyexo (Xerman Sanches, 84), Fulke (Kini, 73), Neva, Duarte, Kenedi (Suares, 63), Errera, Milya, Eteki (Soro, 63), Puertas, Soldado (Molina, 74).
Ogohlantirishlar: Vaskes (17), Fulke (27), Karvaxal (81).
“Xetafe” — “Selta” 1:1
Gollar: 1:0 – 7 Suares, 1:1 – 17, penalti Aspas.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)