Futbol bo‘yicha Angliya Liga Kubogining chorak finalida “Tottenhem” 23-dekabr, chorshanba kuni “Stok Siti” maydonida mehmon bo‘ldi.
Uchrashuvning 22-daqiqasida Garet Beyl londonliklarni oldinga olib chiqqan bo‘lsa, ikkinchi bo‘lim debyutida mezbonlar muvozanatni tiklashga muvaffaq bo‘ldi.
70-daqiqada Ben Devis “shporlar”ning ikkinchi golini urdi. 81-daqiqada Harri Keyn yakuniy hisobni o‘rnatdi — 1:3.
Shu tariqa ushbu g‘alabadan keyin Joze Mourinyo shogirdlari yarim finalga yo‘l oldi. Avvalroq “Manchester Siti” va “Brentford” Liga Kubogi yarim finaliga chiqqandi.
Angliya Liga Kubogi
Chorak final bahsi
23-dekabr, chorshanba
“Stok Siti” — “Tottenhem” 1:3
Gollar: 0:1 – 22 Beyl, 1:1 – 53 Tompson, 1:2 – 70 Devis, 1:3 – 81 Keyn.“Stok Siti”: Lonergan, Suttar, Batt, Foks (Fletcher, 34), Smit, Tompson, Oukli-But (Vouks, 79), Kazns, Makkleyn, Kollinz, Braun (Pauell, 71).
“Tottenhem”: Lyoris, Sanches, Doerti, Devis, Dayer, Uinks, Alli (Lamela, 66), Lukas Moura (Sissoko, 66), Hyoybyerg, Beyl (Son Hyon Min, 46), Keyn.
Ogohlantirishlar: Kollinz (30).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)