Yangi yil dasturxoni uchun pishloqli “tartaletka”lar tayyorlaymiz

Bodring va bulg‘ori qalampiri yordamida tayyorlangan archa ko‘rinishidagi yeguliklar dasturxonning chiroyini, mehmonlarning ishtahasini ochib yuborishi shubhasiz.

Kerakli mahsulotlar:

• Qizil bulg‘ori qalampiri – 1 dona;
• Sarimsoq – 1-2 bo‘lak;
• Tvorogli pishloq – 200-250 gramm;
• Bodring – 1 dona;
• “Tartaletka” – 6-8 dona;
• Qizil ikra ta’bga ko‘ra;
• Ko‘kat, tuz.

1. Bulg‘ori qalampirining yarmi, sarimsoq va ko‘kat mayda to‘g‘raladi. Ustidan tvorogli pishloq va tuz solib, aralashtiriladi.
2. “Tartaletka”lar pishloqli arlashma bilan to‘ldiriladi va ustidan ta’bga ko‘ra qizil ikra solinadi.
3. Ortib qolgan bulg‘ori qalampiridan “tartaletka”lar soniga qarab yulduzcha shakli kesib olinadi.
4. Shuningdek, bodring ham uzunasiga juda yupqa holatda kesib olinadi. Ularning soni ham “tartaletka”lar bilan bir xil bo‘lishi kerak.
5. Bodring bo‘laklari tish tozalagich cho‘piga taxlam shaklida kiritiladi.
6. Ularning uchiga yulduzcha shaklidagi bulg‘ori qalampiri joylashtiriladi va “tartaletka”lar ustiga qo‘yib chiqiladi.
7. “Tartaletka”larning barchasi shu tarzda tayyorlanib, ko‘katlar bilan bezatiladi.