Rossiya futbol ittifoqi (RFS) tartib-intizom qo‘mitasi “Sochi” — “Spartak” uchrashuvidagi (1:0) holat yuzasidan moskvaliklar bosh murabbiyi Domeniko Tedeskoni uchta o‘yinga diskvalifikatsiya qildi.
Uchrashuvdan keyin italiyalik mutaxassis raqib zaxira o‘rindig‘idagilarga qarata qo‘l harakati bilan pulni ifodalovchi ishoralar qilgan va orqali hakam sotib olinganiga shama qilgan.
Tartib-intizom qo‘mitasi barcha vaziyatlarni o‘rganib chiqib, Tedeskoni uch o‘yinga chetlatdi va 50 ming rubl miqdorida jarimaga tortdi.
Shuningdek, “Sochi” murabbiyi Dmitriy Borodin intizomsiz harakati uchun 50 ming rubl jarima to‘ylaydi.
Eslatib o‘tamiz, uchrashuvdan keyin ikki tomon o‘rtasida kelishmovchilik chiqqan. “Spartak” tomoni raqib murabbiyini irqchilik ruhidagi gaplarni aytganlikda ayblagan, shuningdek, sochiliklar yarim himoyachisi Joaozinyo “Spartak” murabbiyi Andres Xinkelga qo‘l ko‘targanini iddao qilgan.
Biroq RFS tartib-intizom qo‘mitasi Joaozinyo va Xinkel o‘rtasida hech qanday jismoniy kontakt bo‘lmaganini ma’lum qildi va Borodinning so‘zlari esa irqchilikka yo‘g‘irilmagan deb topdi.
Mavzuga doir:
- “Spartak” sobiq futbolchisi: “Oston O‘runov aslida 4-5 yoshga katta”
- Odil Ahmedov Oston O‘runovning yoshi kichraytirilganligi haqidagi gaplarga javob qaytardi
- O‘FA Sergey Yuranning Oston O‘runovning yoshi haqidagi gaplariga munosabat bildirib, undan uzr so‘rashni talab qildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)