Россия футбол иттифоқи (РФС) тартиб-интизом қўмитаси «Сочи» — «Спартак» учрашувидаги (1:0) ҳолат юзасидан москваликлар бош мураббийи Доменико Тедескони учта ўйинга дисквалификация қилди.
Учрашувдан кейин италиялик мутахассис рақиб захира ўриндиғидагиларга қарата қўл ҳаракати билан пулни ифодаловчи ишоралар қилган ва орқали ҳакам сотиб олинганига шама қилган.
Тартиб-интизом қўмитаси барча вазиятларни ўрганиб чиқиб, Тедескони уч ўйинга четлатди ва 50 минг рубль миқдорида жаримага тортди.
Шунингдек, «Сочи» мураббийи Дмитрий Бородин интизомсиз ҳаракати учун 50 минг рубль жарима тўйлайди.
Эслатиб ўтамиз, учрашувдан кейин икки томон ўртасида келишмовчилик чиққан. «Спартак» томони рақиб мураббийини ирқчилик руҳидаги гапларни айтганликда айблаган, шунингдек, сочиликлар ярим ҳимоячиси Жоаозиньо «Спартак» мураббийи Андрес Хинкелга қўл кўтарганини иддао қилган.
Бироқ РФС тартиб-интизом қўмитаси Жоаозиньо ва Хинкел ўртасида ҳеч қандай жисмоний контакт бўлмаганини маълум қилди ва Бородиннинг сўзлари эса ирқчиликка йўғирилмаган деб топди.
Мавзуга доир:
- «Спартак» собиқ футболчиси: «Остон Ўрунов аслида 4-5 ёшга катта»
- Одил Аҳмедов Остон Ўруновнинг ёши кичрайтирилганлиги ҳақидаги гапларга жавоб қайтарди
- ЎФА Сергей Юраннинг Остон Ўруновнинг ёши ҳақидаги гапларига муносабат билдириб, ундан узр сўрашни талаб қилди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)