Zoom videokonferensiya servisi Yangi yil bayramlari arafasida butun dunyo bo‘ylab bepul videoqo‘ng‘iroqlar uchun qo‘yilgan 40 daqiqali cheklovni olib tashlaydi, deb xabar beradi “Kommersant”.
Kompaniyaning ma’lum qilishicha, yangi qoida Xanuka (yahudirlar bayrami), Rojdestvo va Yangi yil bayramlarini nishonlash vaqtida amalda bo‘ladi.
Cheklovlar 17—19-dekabr, 23—26-dekabr, shuningdek, 30 dekabrdan 2-yanvar oralig‘ida olib tashlanadi. Xizmatning qo‘shimcha imkoniyatlaridan foydalanish uchun ortiqcha amallarni bajarish shart emas, vaqtinchalik limit avtomatik ravishda yechiladi.
Avvalroq Zoom 2020-yilning eng mashhur mobil dasturlari reytingida to‘rtinchi o‘rinni egallagani to‘g‘risida xabar berilgandi.
Izoh (0)