Zoom va TikTok O‘zbekistonda karantin davridagi eng ommabop dasturlarga aylandi, deb xabar beradi Spot.
15-martdan 14-aprelgacha ushbu ikki dastur iOS va Android foydalanuvchilari tomonidan eng ko‘p yuklab olingan uchta dasturlar ro‘yxatiga kirdi.
Zoom
iPhone va iPad egalari ko‘pchilik uydan ishlashni boshlagan 16-martdan faol tarzda Zoom dasturini yuklab ola boshladi. 14-aprelgacha dastur eng ko‘p yuklab olingan dasturlar reytingida yetakchilik qildi:
Android’da ishlaydigan smartfon foydalanuvchilari Zoom’ni sal kechroq, ya’ni 23-martdan boshlab yuklab ola boshladi. Bu paytda deyarli barcha kompaniyalar xodimlari uydan ishlashga o‘tgan edi:
TikTok
IPhone va iPad egalarida karantin davrida TikTok ommabopligi sal boshqacha ko‘rinish oldi. Mart o‘rtalaridan boshlab yuklab olish darajasi stabil tarzda o‘sganiga qaramay, tez-tez pasayish ham kuzatilmoqda.
Shunga qaramay aprel boshidan boshlab TikTok Top-3 talikdan tushmayapti.
Android smartfonlari foydalanuvchilari TikTok bilan unchalik qiziqmayapti. Bu yerda dastur 10—15-o‘rinda turibdi, biroq bu yaxshi o‘sish ko‘rsatkichi, chunki karantinga qadar dastur 15—30-o‘rinda edi:
