AQSh prezidentiga sobiq nomzod Hillari Klinton AQSh saylovchilar hay’atini tugatish kerakligini ma’lum qildi. Uning fikricha, saylovchilar kimga ovoz bergan bo‘lsa, shu prezident bo‘lishi kerak, deb xabar beradi “Kommersant”.
“Men saylovchilar hay’atini bekor qilish va umumxalq ovoz berish jarayonida g‘olib bo‘lganni prezident etib saylash kerak deb hisoblayman. Biroq u hali mavjudligi sabab men faxr bilan o‘z ovozimni Nyu-Yorkda Jo Bayden va Kamala Xarrisga berdim”, — deb yozadi Klinton o‘zining Twitter’dagi sahifasiga.
Hillari Klinton 2016-yili Demokratlar partiyasi nomidan AQSh prezidentligi saylovlarida ishtirok etgan edi. U raqibi Donald Trampni saylovchilar ovozi bo‘yicha ortda qoldirgan, biroq shtatlardan bo‘lgan saylovchilar ovozi bo‘yicha yutqazib qo‘ygan.
Avvalroq saylovchilar hay’ati Jo Baydenning AQSh prezidenti saylovlaridagi g‘alabasini tasdiqlagan edi.
Mavzuga doir: Bayden tarixda birinchi marta Pentagon rahbari lavozimiga afroamerikalikni tayinlashi kutilmoqda
Keyinroq Donald Tramp ma’muriyati Jo Baydenga hokimiyatni topshirishga tayyorligini bildirgan edi. Shundan keyin Bayden o‘z ma’muriyatining asosiy a’zolarini shaxsan tanishtirdi. Shuningdek, demokrat Jozef Baydenga razvedka tomonidan davlat rahbari uchun tayyorlanadigan kunlik maxfiy hisobotlarni taqdim etishga ruxsat berildi.
Izoh (0)