Shavkat Mirziyoyev 12—13-dekabr kunlari Xorazm viloyatida bo‘lib qaytdi. Tashrif yakuni bo‘yicha Urganch shahrida yig‘ilish bo‘lib o‘tdi.
“Kun.uz”ning xabar berishicha, yig‘ilishda Prezident viloyatdagi avtomobil yo‘llari holatini tanqid qildi.
“Xorazmda ichki yo‘llar yo‘q desak, adolatdan bo‘ladi. Yangiariqdan keldim, u yo‘l yo‘l emas. Ichki yo‘llarni sifatli ta’mirlash kerak. Shunday qilinglarki, kelgusi yilda har bir mahalla Xorazmda ichki yo‘llar bo‘yicha o‘zgarish bo‘lyapti, desin”, — degan davlat rahbari.
Eslatib o‘tamiz, Shavkat Mirziyoyev 13-dekabr kuni Xorazm viloyati faollari bilan bo‘lib o‘tgan yig‘ilishda Prezident bir yilda bir kelib, ko‘rib ketgani bilan natija bo‘lib qolmasligini, har bir hokim, iqtisodiy kompleks rahbarlari hududdagi muammolar bo‘yicha tizimli ishlashi kerakligini, odamlar ham befarq bo‘lmasligi, mahalliy kengashlar, mahallalar talab qilishi lozimligi ta’kidlagandi.
Mavzuga doir:
Izoh (0)