Qishloq xo‘jaligi xodimlari kuni munosabati bilan Qashqadaryoning Dehqonobod va G‘uzor tumanlarida katta ko‘pkari musobaqasi bo‘lib o‘tdi, deya xabar berdi “Daryo” muxbiri.
Ma’lum bo‘lishicha, Dehqonobod va G‘uzor tumanlarida bo‘lib o‘tgan ko‘pkari musobaqasida tuman hokimlari tomonidan qo‘yilgan sovrinlardan tashqari, viloyat rahbari Zoir Mirzayev nomidan ham muzlatkich, kir yuvish mashinasi va televizor kabi sovrinlar qo‘yilgan.
Dehqonobod tumanida bo‘lib o‘tgan ko‘pkarida viloyat rahbari Zoir Mirzayev nomidan qo‘yilgan muzlatgichni surxondaryolik Shavkat chavandoz ayirgan bo‘lsa, kir yuvish mashinasini g‘uzorlik G‘ayrat chavandoz qo‘lga kiritgan. Tuman hokimi Zoir Aliqulov nomidan qo‘yilgan 500 ming so‘m pul mukofotiga esa dehqonobodlik Asqar chavandoz ega chiqqan.
G‘uzor tumanida bo‘lib o‘tgan ko‘pkarida esa Zoir Mirzayev nomidan qo‘yilgan sovrin — muzlatkich, televizor va 200 ming so‘m pul mukofotini g‘uzorlik To‘lqin chavandoz qo‘lga kiritgan.
“Avaz va Sunnat chavandozlar eng ko‘p marrani olib, tomoshabinlar olqishiga sazovor bo‘ldi hamda tuman hokimligining esdalik sovg‘alari bilan taqdirlandi”, — deydi G‘uzor tuman hokimligi axborot xizmati rahbari Xudoyberdi Yo‘ldoshev.
Izoh (0)