Jizzax viloyat davlat soliq boshqarmasiga yangi rahbar tayinlandi, deya xabar qilmoqda O‘zA.
Prezident qarori bilan Jizzax viloyati davlat soliq boshqarmasi boshlig‘i lavozimida ishlab kelgan Yunusjon Zohidovich Nasimjonov O‘zbekiston Davlat soliq qo‘mitasi raisining o‘rinbosari lavozimiga tayinlangandi.
Shu munosabat bilan Toshpo‘latov Bekzod Turg‘unovich Jizzax viloyati davlat soliq boshqarmasi boshlig‘i lavozimiga tayinlandi.
Ma’lumot uchun, Toshpo‘latov Bekzod 1983-yilda Jizzax shahrida tug‘ilgan. U mazkur tayinlovga qadar Jizzax viloyat DSB boshlig‘ining birinchi o‘rinbosari lavozimida faoliyat ko‘rsatib kelayotgan edi.
Avvalroq Qorao‘zak va Chimboy tumanlari IIB boshliqlari o‘rin almashgani, Vazirlar Mahkamasining Sport va turizmni rivojlantirish masalalari kotibiyatiga mudir hamda Buxoro, Navoiy va Sirdaryo viloyatiga tergov boshqarma boshliqlari tayinlangani haqida xabar berilgandi.
Izoh (0)