Toshkentning Mirzo Ulug‘bek tumanida yashovchi er xotiniga tan jarohati yetkazib, farzandining axlatini yeyishga majburlagani haqida videolar ijtimoiy tarmoqlarda tarqalgan, holat yuzasidan jinoyat ishi qo‘zg‘atilib, erkak qo‘lga olingandi.
Mirzo Ulug‘bek tuman sudi chiqargan hukmga ko‘ra, erkak muttasil ravishda do‘pposlash yoki boshqacha harakatlar bilan qiynashda ifodalangan jinoyat alomatlarida aybdor deb topildi va Jinoyat kodeksining 110-moddasi 1-qismi (qiynash)ga ko‘ra, unga nisbatan 3 yil muddatga ozodlikdan mahrum qilish jazosi tayinlandi.
Shuningdek, tayinlangan jazo manzil koloniyalarda o‘talishi va Jinoyat kodeksining 96-moddasi (jazo bilan birga tayinlanadigan tibbiy yo‘sindagi majburlov choralarini qo‘llash)ga asosan jazoni o‘tash joylarida toksikomaniyaga qarshi majburiy tibbiy davolanishga jalb qilinishi belgilandi.
Avvalroq xotiniga ishlatilgan pampersni yedirgan samarqandlik erkak 6 yilga ozodlikdan mahrum etilgani xabar berilgan edi.
Izoh (0)