Қишлоқ хўжалиги ходимлари куни муносабати билан Қашқадарёнинг Деҳқонобод ва Ғузор туманларида катта кўпкари мусобақаси бўлиб ўтди, дея хабар берди «Дарё» мухбири.
Маълум бўлишича, Деҳқонобод ва Ғузор туманларида бўлиб ўтган кўпкари мусобақасида туман ҳокимлари томонидан қўйилган совринлардан ташқари, вилоят раҳбари Зоир Мирзаев номидан ҳам музлаткич, кир ювиш машинаси ва телевизор каби совринлар қўйилган.
Деҳқонобод туманида бўлиб ўтган кўпкарида вилоят раҳбари Зоир Мирзаев номидан қўйилган музлатгични сурхондарёлик Шавкат чавандоз айирган бўлса, кир ювиш машинасини ғузорлик Ғайрат чавандоз қўлга киритган. Туман ҳокими Зоир Алиқулов номидан қўйилган 500 минг сўм пул мукофотига эса деҳқонободлик Асқар чавандоз эга чиққан.
Ғузор туманида бўлиб ўтган кўпкарида эса Зоир Мирзаев номидан қўйилган соврин — музлаткич, телевизор ва 200 минг сўм пул мукофотини ғузорлик Тўлқин чавандоз қўлга киритган.
«Аваз ва Суннат чавандозлар энг кўп маррани олиб, томошабинлар олқишига сазовор бўлди ҳамда туман ҳокимлигининг эсдалик совғалари билан тақдирланди», — дейди Ғузор туман ҳокимлиги ахборот хизмати раҳбари Худойберди Йўлдошев.
Изоҳ (0)