Xorazmda 2021-yilda 2 ming xonadonli 100 ta ko‘p qavatli uy quriladi. Bu haqda 13-dekabr, yakshanba kuni Shavkat Mirziyoyev raisligida Xorazm viloyati faollari va tarmoqlar mutasaddilari ishtirokida tashkil etilgan yig‘ilishda aytildi.
Prezident matbuot xizmatining xabar berishicha, yig‘ilishda ijtimoiy masalalarga alohida e’tibor qaratildi. Viloyatda ichimlik suvi ta’minotini yaxshilash bo‘yicha topshiriqlar berildi.
Shuningdek, ta’lim, tibbiyot, madaniyat sohalarini rivojlantirishga doir chora-tadbirlar ham belgilandi.
Avvalroq Xorazmdagi faollar yig‘ilishi davomida Amudaryo ustida Xorazmni Qoraqalpog‘iston bilan bog‘laydigan ko‘prik qurilishi aytilgan edi. Prezident balandparvoz gaplar bilan iqtisodiyotni yuritib bo‘lmasligini bildrib, Xorazmning marrasi baland bo‘lishi kerakligini ta’kidlagandi. Har bir shahar va tuman, mahallalarda mavjud imkoniyatlardan kelib chiqib, “o‘sish nuqtalari” belgilandi.
Izoh (0)