Amudaryo ustida Xorazmni Qoraqalpog‘iston bilan bog‘laydigan 413 metrlik ko‘prik quriladi. Bu haqda 13-dekabr, yakshanba kuni Shavkat Mirziyoyev raisligida Xorazm viloyati faollari va tarmoqlar mutasaddilari ishtirokida tashkil etilgan yig‘ilishda qayd etildi.
Prezident matbuot xizmatining xabar berishicha, yig‘ilishda dolzarb ijtimoiy-iqtisodiy masalalar muhokama qilindi.
Qorao‘zak tumanidan Shovot tumanigacha 79 kilometrlik temiryo‘l qurilishi aytildi. Kelgusi uch yilda 2 ming 370 kilometr ichki yo‘llarni ta’mirlash vazifasi qo‘yildi.
Avvalroq Xorazmdagi faollar yig‘ilishi davomida Prezident Xorazmning marrasi baland bo‘lishi kerakligini ta’kidlagani haqida xabar berilgan edi. Har bir shahar va tuman, mahallalarda mavjud imkoniyatlardan kelib chiqib, “o‘sish nuqtalari” belgilandi.
Izoh (0)