Tashqi qiyofasi Gollivud aktrisasi Anjelina Jolining qo‘rqinchli versiyasiga o‘xshash bo‘lgan Eron fuqarosi mashhur Sahar Tabar (asli ismi-sharifi Fotima Xishvand) 10 yilga ozodlikdan mahrum etildi. Bu haqda Daily Mail xabar bermoqda.
Ma’lum bo‘lishicha, Sahar dinni tahqirlash, zo‘ravonlikni qo‘zg‘atish, mumkin bo‘lmagan yo‘llar bilan daromad olish va yoshlar orasida korrupsiyani rivojlantirishda ayblangan. Saharning advokati bilan suhbatlashgan eronlik jurnalist Masix Alinejadning so‘zlariga ko‘ra, qizga chindan ham yuqoridagi ayblovlar qo‘yilgan.
Shuningdek, Sahar Gollivud aktrisasi Anjelina Jolidan yordam so‘rab murojaat qilgan. “Sahar Tabar endigina 19 yoshda. Uning onasi har kuni aybsiz qizini ozod qilishlarini so‘rab yig‘laydi. Hurmatli Anjelina Joli, biz sizning qo‘llab-quvvatlashingizga muhtojmiz”, — deyiladi murojaatda.
Ma’lum bo‘lishicha, 2020-yilning aprel oyida Sahar koronavirus bilan kasallangan. Xishvand dastlab qamoqxonaning karantin hududiga o‘tkazilgan, ammo uning ahvoli yomonlashishda davom etgan. Shundan so‘ng qamoqxona ma’muriyati uni kasalxonaga yotqizishga ruxsat berishga majbur bo‘lgan. Davolash ishlari davom ettirilishi uchun qiz Tehron kasalxonasiga yotqizilgan.
Izoh (0)