G‘arb ommaviy axborot vositalarining xabariga ko‘ra, Keyt Uinslet Nyu-York markazida joylashgan ikki qavatli pentxausini sotuvga qo‘ygan, deb yozadi Glamour. Aktrisa ushbu xonadonni 2004-yilda sotib olgan va hanuzgacha oyiga 20 ooo dollarga ijaraga berayotgan edi. Aktrisa ushbu ikki qavatli pentxausni 5,7 million dollarga sotishni rejalashtirmoqda.
280 kvadrat metrli xonadonning ichki qismi minimal skandinaviya uslubida bo‘lib, tabiiy materiallar, asosan, yog‘och bilan bezatilgan.
Birinchi qavatda kaminli ulkan mehmonxona mavjud bo‘lib, u oshxona bilan yonma-yon joylashgan.
Qordek oppoq devor, baland shift, mebel va boshqa jihozlar uyning yorug‘lik va kengligini yanada oshirgan.
Shuningdek, ushbu qavatda uchta yotoq xona, shu jumladan, kiyinish xonasi va uchta hammom ham joy olgan.
Ikkinchi qavatda esa hammom bilan yonma-yon holda kichik yotoqxona joylashgan.
Hududning qolgan qismini esa ulkan terrasa egallagan bo‘lib, bu yerda shahar markazining boshni aylantirgulik manzarasini tomosha qilish mumkin.
Mavzuga doir:
- Gollivud aktrisasi Skarlet Yoxanssonning Nyu-Yorkdagi 2 million dollarlik pentxausiga sayohat (foto)
- Keti Perri va Orlando Blum Kaliforniyadan 14,2 mln dollarlik koshona sotib oldi (foto)
- Madonnaning Beverli-Hillzdagi hashamatli uyiga sayohat (foto)
- “Titanik” va “Avatar” filmlari rejissori Jeyms Kemeronning 25 million dollarlik uyiga sayohat (foto)
Izoh (0)