Ташқи қиёфаси Голливуд актрисаси Анжелина Жолининг қўрқинчли версиясига ўхшаш бўлган Эрон фуқароси машҳур Саҳар Табар (асли исми-шарифи Фотима Хишванд) 10 йилга озодликдан маҳрум этилди. Бу ҳақда Daily Mail хабар бермоқда.
Маълум бўлишича, Саҳар динни таҳқирлаш, зўравонликни қўзғатиш, мумкин бўлмаган йўллар билан даромад олиш ва ёшлар орасида коррупцияни ривожлантиришда айбланган. Саҳарнинг адвокати билан суҳбатлашган эронлик журналист Масих Алинежаднинг сўзларига кўра, қизга чиндан ҳам юқоридаги айбловлар қўйилган.
Шунингдек, Саҳар Голливуд актрисаси Анжелина Жолидан ёрдам сўраб мурожаат қилган. «Саҳар Табар эндигина 19 ёшда. Унинг онаси ҳар куни айбсиз қизини озод қилишларини сўраб йиғлайди. Ҳурматли Анжелина Жоли, биз сизнинг қўллаб-қувватлашингизга муҳтожмиз», — дейилади мурожаатда.
Маълум бўлишича, 2020 йилнинг апрель ойида Саҳар коронавирус билан касалланган. Хишванд дастлаб қамоқхонанинг карантин ҳудудига ўтказилган, аммо унинг аҳволи ёмонлашишда давом этган. Шундан сўнг қамоқхона маъмурияти уни касалхонага ётқизишга рухсат беришга мажбур бўлган. Даволаш ишлари давом эттирилиши учун қиз Теҳрон касалхонасига ётқизилган.
Изоҳ (0)