Mashhur koreys rejissori Kim Ki Duk koronavirus oqibatida vafot etdi

Koreyalik taniqli rejissor Kim Ki Duk Latviyada, koronavirus oqibatida vafot etdi, deb yozadi “Delfi”.

Xabarda aytilishicha, Kann, Venetsiya va Berlin kinofestivallari laureati Latviyaga 20-noyabr kuni kelgan, 5-dekabrdan beri esa aloqaga chiqmayotgan edi.

11-dekabr kuni rejissorning koronavirus asoratlaridan vafot etgani ma’lum bo‘ldi.

Latviyaga rejissor Estoniya orqali Sankt-Peterburgdan borgan. Norasmiy ma’lumotlarga ko‘ra, rejissor Yurmaladan uy sotib olib, Rossiyada yashash huquqini beruvchi ruxsatnomani qo‘lga kiritmoqchi bo‘lgan. Biroq Kim Ki Duk oldindan rejalashtirilgan uchrashuvga kelmagan.

Shundan so‘ng rejissorning hamkasblari undan xavotirlanib, Kim Ki Dukni kasalxonalardan izlay boshlagan. Qidiruv jarayoni bemorlarning shaxsiy ma’lumotlari sir tutilgani bois qiyin kechgan.

11-dekabr kuni rejissorning Covid-19 asoratlari oqibatida kasalxonada vafot etgani ma’lum bo‘ldi.

Ma’lumot uchun, Kim Ki Duk— butun dunyoga mashhur janubiy koreyalik rejissor va ssenarist.

U “Pyeta”, “Bo‘sh uy” filmlari uchun Venetsiya, “Ariran” filmi uchun Kann, “Samariyalik qiz” filmi uchun Berlin kinofestivali laureati bo‘lgan.