“Barselona” Chempionlar Ligasi 6-turida “Yuventus”ga qarshi bahs olib bordi. 8-dekabr kuni “Kamp Nou”da bo‘lib o‘tgan o‘yin katalonlarning 0:3 hisobidagi mag‘lubiyati bilan tugadi.
Opta ma’lumotlariga ko‘ra, “Barselona” hujumchisi Lionel Messi raqib darvozasi tomon 11 ta zarba yo‘llagan, ularning 7 tasi aniq bo‘lgan, biroq argentinalik futbolchi birorta ham gol ura olmadi.
Shu tariqa Messi Chempionlar Ligasi 2003/04-yilgi mavsumidagi antirekordini takrorladi. O‘shanda ham Leo raqib darvozasiga 7 marta aniq zarba yo‘llab, gol ura olmagandi.
Mazkur o‘yindan keyin “Yuventus” guruhida birinchi o‘rinni qo‘lga kiritdi. “Barselona” esa 2006-yildan beri ilk bor Chempionlar Ligasi guruh bosqichini ikkinchi o‘rinda yakunladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)