AQShning oziq-ovqat va dori-darmonlar sifati masalalari boshqarmasi Pfizer va BioNTech kompaniyalari tomonidan yaratilgan koronavirusga qarshi vaksinaning samaradorligi 95 foizni tashkil etishini tasdiqladi. Bu haqda “Korrespondent.net” xabar berdi.
Ta’kidlanishicha, samaradorlikning bunday darajasiga vaksinaning ikkinchi dozasi yuborilganidan yetti kun o‘tgach erishiladi.
“Rejalashtirilgan oraliq va yakuniy tahlillarda vaksinaning samaradorligi SARS-CoV-2 infeksiyasi bilan kasallanganlikda gumon qilinmaganlarda ikkinchi doza yuborilganidan yetti kundan keyin 95 foizni tashkil etdi, kasallanganlar guruhida esa samaradorlik 94 foizdan oshgan”, — deyiladi boshqarma xabarida.
Birinchi dozadan keyingi samaradorlik 82 foizga baholanmoqda, biroq preparat yuborilganidan uch hafta o‘tgach, uning himoya darajasi pasayish-pasaymasligi noma’lum.
Kasallikning og‘ir holatlarida esa birinchi dozadan keyingi samaradorlik 88,9 foiz bo‘lgan. Vaksina o‘zida qo‘zg‘atuvchi haqida genetik ma’lumot saqlovchi gen vaksinalar guruhiga kiradi.
Avvalroq Pfizer va BioNTech kompaniyalari ularning vaksinasi samaradorligi 95 foiz ekanligini ma’lum qilgandi.
Bloomberg xabariga ko‘ra, AQSh Pfizer vaksinasidan 600 millionta dozani oldindan buyurtma qilib qo‘ygan. Yil oxirigacha kompaniya 100 millionta doza ishlab chiqarishi kerak edi, ammo unda ilk bosqichlarda xomashyo yetkazib berish bilan bog‘liq muammolar yuzaga keldi, shu sababli ikki marta kamroq doza ishlab chiqaradi.
Izoh (0)